CAVA Men’s Nations League තරගාවලිය සඳහා සහභාගී වන ජ්‍යෙෂ්ඨ පිරිමි වොලිබෝල් කණ්ඩායම සහ CAVA Women’s Nations League තරගාවලිය සඳහා සහභාගී වන ජ්‍යෙෂ්ඨ කාන්තා වොලිබෝල් කණ්ඩායම තේරීම සඳහා සංචිත තේරීමේ පරීක්ෂණ
CAVA Men’s Nations League වොලිබෝල් තරගාවලිය 2025 ඔක්තෝබර් මස 22 දින සිට 28 දින දක්වා බංගලාදේශයේ දී සහ CAVA Women’s Nations League වොලිබෝල් තරගාවලිය 2025 නොවැම්බර් මස 06 දින සිට 15 දින දක්වා නේපාලයේ දී පැවැත්වීමට නියමිතව ඇත.
එම තරගාවලි සඳහා සහභාගී වන ජ්‍යෙෂ්ඨ පිරිමි සහ කාන්තා වොලිබෝල් කණ්ඩායම් තේරීම සඳහා සංචිත තේරීමේ පරීක්ෂණ ක්‍රීඩා සංවර්ධන දෙපාර්තමේන්තුවට අයත් ටොරින්ටන් ගෘහස්ථ ක්‍රීඩාංගණයේ දී පහත සඳහන් අයුරින් පැවැත්වීමට සුදානම් කර ඇත.
තවද 2025 ජුලි 01 දින තේරීම් පරීක්ෂණයෙන් සමත් පිරිමි ක්‍රීඩකයින් 2025 ජුලි 02 දින තේරීම් පරීක්ෂණය සඳහා සුදුසුකම් ලබන අතර 2025 ජුලි 03 දින තේරීම් පරීක්ෂණයෙන් සමත් කාන්තා ක්‍රීඩිකාවන් 2025 ජුලි 04 දින තේරීම් පරීක්ෂණය සඳහා සුදුසුකම් ලබනු ඇත.
මෙම තේරීම් පරීක්ෂණ සඳහා ඉදිරිපත් වීමට කැමති පිරිමි ක්‍රීඩකයින් 2025 ජුලි මස 01 දින පෙ.ව.8.00 ට සහ කාන්තා ක්‍රීඩිකාවන් 2025 ජුලි මස 03 දින පෙ.ව.8.00 ට ත් ක්‍රීඩා සංවර්ධන දෙපාර්තමේන්තුවට අයත් ටොරින්ටන් ගෘහස්ථ ක්‍රීඩාංගණයට වාර්තා කරන ලෙස දන්වා සිටියි.
වැඩිදුර විස්තර සඳහා ශ්‍රී ලංකා වොලිබෝල් සම්මේලනය – 0112669344 අමතන්න
Sri Lanka Volleyball Federation Indoor Volleyball Players Selection Criteria
