“Est Cola” AVC Beach Tour 24th Samila Open Beach Volleyball Championship 11th – 17th April 2025 ​ “Est Cola” AVC Beach Tour 24th Samila Open බීච් වොලිබෝල් තරගාවලිය 2025 අප්‍රේල් මස මස 11 දින සිට 17 දින දක්වා තායිලන්තයේ හත්යායි නගරයේ දී පැවැත්වීමට නියමිතව ඇත. ඒ සඳහා ශ්‍රී ලංකාව නියෝජනය හා පිරිමි කණ්ඩායම් දෙකක් සහ කාන්තා කණ්ඩායම් දෙකක් සහභාගි වීමට නියමිතව ඇත. මෙම තරගාවලිය සඳහා කාන්තා සහ පිරිමි අංශය නියෝජනය කරමින් රටවල් 17 බැගින් සහභාගී වීමට නියමිතව ඇතමෙම තරගාවලිය සඳහා සහභාගී වන කණ්ඩායම් පහත පරිදි වේ.පිරිමි කණ්ඩායම්01 -කණ්ඩායම – මලිත් දිල්ෂාන් සිල්වා සහ දිලීප චාමික සේනාරත්න.02 කණ්ඩායම – මධූෂ වික්‍රමසිංහ සහ චානක නලින් පෙරේරාපුහුණුකරු – ඉන්දික ටිරෝන් ජයතිලක මහතා  කාන්තා කණ්ඩායම්01-කණ්ඩායම – දීපිකා බණ්ඩාර සහ කසුනි තාරුකා ලක්‍ෂාණී02- කණ්ඩායම – ෂෙහානි අසංගා සහ චතුරිකා මධුසානි වීරසිංහපුහුණුකරු – තක්ෂිලා නිරන්ජලී මෙම කණ්ඩායම් කළමනාකරු වශයෙන් ශ්‍රිලංකා වොලිබෝල් සම්මේලයේ නියෝජනය කරමින් ධනපාල ජයපත්ම මහතා කටයුතු කරයි ශ්‍රී ලංකා පිරිමි සහ කාන්තා බීච් වොලිබෝල් කණ්ඩායම සමුහ ඡායාරූපයකට පෙනි සිටින ලදි.

CAVA Volleyball Referee Candidate Course CAVA Volleyball Referee Candidate Course පාඨමාලාව 2025 පෙබරවාරි මස 19 දින සිට 23 දින දක්වා ශ්‍රී ලංකාවේ දී පැවැත්වූ අතර ඒ සඳහා දේශිය විනිසුරුවන් 15 දෙනෙකු  හා විදේශීය විනිසුරුවන් 02 දෙනෙකු සහභාගී විය. මෙම පාඨමාලාව මෙහෙයවීම සඳහා ආසියානු වොලිබෝල් සම්මේලනයේ පුහුණු උපදේශක බෙනී කූඥේ මහතා සහභාගී විය. පාඨමාලාව සඳහා සහභාගී වූ සියලුදෙනා  සාර්ථකව මෙම පාඨමාලාව අවසන් කරන ලදි. මෙම පාඨමාලාවේ සහතිකපත් ප්‍රධානය කිරීමේ උත්සවය 2025 පෙබරවාරි මස 23 දින පැවැත්විය. එම අවස්ථාව සඳහා ශ්‍රී ලංකා වොලිබෝල් සම්මේලනයේ සභාපති කංචන ජයරත්න මහතා,  මධ්‍යම ආසියානු වොලිබෝල් සම්මේලනයේ හා ශ්‍රී ලංකා වොලිබෝල් සම්මේලනයේ ප්‍රධාන ලේකම් ඒ,එස් නාලක මහතා, මෙම වැඩසටහනේ ප්‍රධාන උපදේශක ආසියානු වොලිබෝල් සම්මේලනයේ පුහුණු උපදේශක බෙනී කූඥේ මහතා සහ මෙම පාඨමාලාවේ සම්බන්ධීකරණ නිලධාරී ජාත්‍යන්තර විනිසුරු උපදේශක විමල් අමරසිංහ මහතා  ඇතුළු නිලධාරීන් ගේ සහභාගිත්වයෙන් සිදු කරන ලදී.

මධ්‍යම ආසියානු බීච් වොලිබෝල් තරඟාවලියේ ජයග්‍රහන ලබා ගත් ක්‍රීඩක ක්‍රීඩිකාවන් සහ නිලධාරීන් ඇගයීමේ උළෙල මධ්‍යම ආසියානු වොලිබෝල් සම්මේලනයේ ආරාධනයකට අනුව ශ්‍රී ලංකා වොලිබෝල් සම්මේලන‍ෙ සංවිධානය කරනු ලැබූ Central Asian Beach Volleyball Championship 2024  බීච් වොලිබෝල් තරගාවලිය 2025 ජනවාරි මස 23 සිට 26 දින දක්වා  මීගමුව වෙරළ උද්‍යාන බීච් වොලිබෝල්  ක්‍රීඩාංගණය කේන්ද්‍ර කර ගනිමින්  ඉතා සාර්ථකව පවත්වා අවසන් කරන ලදි. එම තරගාවලියේ දී පිරිමි කණ්ඩායම අනු ශූරයින් බවට පත්වූ බවත් කාන්තා කණ්ඩායම් 02 ක් අනු ශූරයින් සහ 03 වන ස්ථාන ලබා ගන්නා ලදි. එහිදී එම ජයග්‍රහන ලබා ගත් ක්‍රීඩක ක්‍රීඩිකාවන්, පුහුණුකරුවන් සහ නිලධාරීන් ඇගයීමේ උළෙලක් 2025 මාර්තු මස 04 දින කොළඹ ජයික් හිල්ටන් හෝටල් පරිශ්‍රයේ දී ශ්‍රී ලංකා වොලිබෝල් සම්මේලනයේ සභාපති කංචන ජයරත්න මැතිතුමාගේ ප්‍රධානත්වයෙන් පවත්වන ලදි. මෙහිදී පිරිමි අනු ශූරයින් බවට පත්වූ දිලීප චාමික සහ මලිත් දිල්ෂාන් යන ක්‍රීඩකයින් ,  කාන්තා අනු ශූරයින් බවට පත්වූ දීපිකා බණ්ඩාර සහ කසුනි තාරුකා යන ක්‍රීඩිකාවන් ,  කාන්තා 03 වන ස්ථානය ලබා ගත් චතුරිකා මධුෂානි සහ ෂෙහානි අසංගා යන ක්‍රීඩක ක්‍රීඩිකාවන් සහ පිරිමි කණ්ඩායමේ පුහුණුකරු ඉන්දික ටිරෝන් ජයතිලක , කාන්තා කණ්ඩායමේ පුහුණුකරු තක්ෂිලා ගුණසිංහ, එම කණ්ඩායම් හී සම්භාහක ලෙස කටයුතු කල එච්. සී. පී සමීර මෙන්ම මෙම කණ්ඩායම් හී වෛද්‍යවරයා ලෙස කටයුතු කල වෛද්‍ය රුක්මාල් කරුණානායක සහ කණ්ඩායම් හී කළමණාකරුවන් වන ධනපාල ජයපත්ම සහ සජිත් නන්දසිරි මහතා යන අය ඇගයීමට ලක් කරන ලදි. එහිදී අනු ශූරතාවය ලබාගත් ක්‍රීඩක ක්‍රීඩිකාවන් සඳහා එක් අයෙකුට රු. 100,000/- මුදලක් ද, 03 වන ස්ථානය ලබාගත් ක්‍රීඩිකාවන්ට එක් අයෙකුට රු. 50,000/- මුදලක් ද, පුහුණුකරුවන් සඳහා එක් අයෙකුට රු. 60,000/- මුදලක් ද, භෞතචිකිත්සක සඳහා රු. 40,000/- මුදලක් ද ලබාදෙන ලදි. මෙම ඇගයීම් උලෙල සඳහා ශ්‍රී ලංකා වොලිබෝල් සම්මේලනයේ ප්‍රධාන ලේකම් ඒ. එස් නාලක මහතා,  ශ්‍රී ලංකා වොලිබෝල් සම්මේලනයේ භාණ්ඩාගාරික  තුෂාර පෙරේරා මහතා, ශ්‍රී ලංකා වොලිබෝල් සම්මේලනයේ උප සභාපති ජ්‍යෙෂ්ඨ නියෝජ්‍ය පොලිස්පති සජීව මැදවත්ත මහතා, ශ්‍රී ලංකා වොලිබෝල් සම්මේලනයේ උප සභාපති කොමදෝරු සිල්වා මහතා, ජාතික ක්‍රීඩා කවුන්සිලියේ සමාජික සී රත්නමුදලි මහතා, ක්‍රීඩා සංවර්ධන දෙපාර්තමේන්තුවේ නියෝජ්‍ය අධ්‍යක්ෂ සිසිර වැල්ලේගෙදර මහතා, ක්‍රීඩා සංවර්ධන දෙපාර්තමේන්තුවේ වොලිබෝල් සම්බන්ධීකරණ නිලධාරිනි රංගිකා මහවත්ත මහත්මිය ඇතුළු ශ්‍රී ලංකා වොලිබෝල් සම්මේලනයේ විධායක කමිටු සාමාජිකයින් මේ සඳහා සහභාගී විය.