ජාත්‍යන්තර වොලිබෝල් සම්මේලනය (FIVB) මගින් මෙහෙයවනු ලබන වොලිබෝල් පුහුණුකරු අදියර III පාඨමාලාව 2024 නොවැම්බර් මස 18 සිට 25 දින දක්වා තායිලන්තයේ දී පැවැත්වීමට නියමිතව ඇත. මෙම ජාත්‍යන්තර පුහුණුකරු පාඨමාලාව සඳහා ශ්‍රී ලංකාව තුල දැනට වොලිබෝල් ජාත්‍යන්තර පුහුණුකරු අදියර II පාඨමාලාව අවසන් කර අවු: 01 ක් ඉක්මවූ පුහුණුකරුවන් හා පුහුණුකාරිනියන්ගෙන් අයදුම්පත් කැඳවනු ලැබේ. වොලිබෝල් පුහුණුකරුවකු ලෙස ඔබ දක්වා ඇති දක්ෂතා ඇතුලත්ව ඔබගේ පෞද්ගලික විස්තර, සම්බන්ධ කර ගත හැකි දුරකථන අංක, දැනට ක්‍රියාත්මකව පවතින විද්‍යුත් තැපැල් ලිපිනයක් (Email Address) සහ ඔබගේ වර්තමාන ඡායාරූපයක් අනිවාර්යයෙන් ඇතුලත් කොට ඉංග්‍රීසි බසින් අයදුම්පතක් සකස් කර, වොලිබෝල් පුහුණුකරු අදියර I සහ II පාඨමාලාවේ සහතික පත්‍රයේ පිටපතක් ද සමඟ [email protected] යන විද්‍යුත් ලිපිනයට 2024 සැප්තැම්බර් මස 05 දිනට ප්‍රථම ‍යොමු කරන්න. එමෙන්ම මේ සමග අමුණා ඇති FIVB Application Form (C-C3 Form) ද සම්පූර්ණ කර, මාස 06 ක වලංගුතාවය ඇති විදේශ ගමන් බලපත්‍රයේ පිටපතක් ද ඔබගේ අයදුම්පතට අමුණා ඉහත සඳහන් විද්‍යුත් තැපැල් ලිපිනයට යොමු කරන්න. මෙම පාඨමාලාව සඳහා සහභාගී වීමේ දී අයදුම්කරුවන් විසින් සපයාගත යුතු කොන්දේසී • ලියාපදිංචි ගාස්තු – US $ 100• නවාතැන් සඳහා පමණක් දිනකට වියදම (ආහාර ඇතුලත්ව)    Single Room – US $ 100 per day    Twin Sharing – US $ 80 per day• ගුවන් ටිකට්පත් (නැවත පැමිණීමේ ටිකට්පතක්) වැඩිදුර තොරතුරු සඳහා ශ්‍රී ලංකා වොලිබෝල් සම්මේලනය අමතන්න0112669344 Download FIVB Application Form

ජනාධිපති රන් කුසලාන ඩයලොග් වොලිබෝල් ශූරතා Golden birds සහ MAS දිනා ගනියි.අවුරුදු 25 න් පහළ ඩයලොග් ජනාධිපති රන් කුසලාන පිරිමි සහ කාන්තා වොලිබෝල් සූරතා පිළිවෙළින් රදාවාන ගෝල්ඩන් බර්ඩ්ස් කණ්ඩායම සහ අම්පාර MAS කණ්ඩායම අත් කර ගන්නට සමත් වුණා. පිරිමි අවසාන තරගයේ දී ගෝල්ඩන් බර්ඩ්ස් කණ්ඩායම විසින් වට 3-0 ක් ලෙස රුවන්වැල්ල රාජසිංහ ක්‍රීඩා සමාජය පරාජය කරමින් ජයග්‍රහණය ලබා ගැනීමට සමත් වුණා .එහිදී ලකුණු සටහන් වූයේ ලකුණු 25- 20,25-18 සහ 25-11 ක් ලෙසයි. කාන්තා අවසාන තරගය වට 4 ක් දක්වා පැවති අතර .අනු සූරතාවය දිනාගත් ගලිගමුව හයිඩ්‍රාමනී කණ්ඩායම අම්පාර MAS කණ්ඩායමට එරෙහිව තරගයේ පළමු වටය 25-19 ක් ලෙස ජය ගත් නමුත් ඉන් අනතුරුව MAS කණ්ඩායම ඉතිරි වට 3 ලකුණු 25-22/25-11 සහ 25-23 ක් ලෙස ජයග්‍රහණය කරන්නට සමත් වුණා.

ඩයලොග් ජනාධිපති රන් කුසලාන අවු. 25 න් පහළ වොලිබෝල් තරගාවලිය 2024 අවසන් මහා තරග – (කාන්තා / පිරිමි) ක්‍රීඩා හා තරුණ කටයුතු අමාත්‍යාංශය සහ ක්‍රීඩා සංවර්ධන දෙපාර්තමේන්තුව සංවිධානය කරනු ලබන SRI LANKA SPORTS FIESTA 2024  හි වොලිබෝල් තරග 2024 අගෝස්තු මස 16 දින තුම්මුල්ල ගුවන් හමුදා ගෘහස්ථ ක්‍රීඩාංගණයේ දී පැවැත්වීමට නියමිතව ඇත.     ඒ අනුව මෙම SRI LANKA SPORTS FIESTA 2024 හී වොලිබෝල් තරග සඳහා ඩයලොග් ජනාධිපති රන් කුසලාන අවු. 25 න් පහළ වොලිබෝල් තරගාවලියේ පිරිමි සහ කාන්තා අවසන් මහා තරග එදිනට පැවැත්වීමට නියමිතව ඇත. මෙම අවසන් මහා තරග ක්‍රීඩා සංවර්ධන දෙපාර්තමේන්තුවේ අධ්‍යක්ෂ ජනරාල් මහාචාර්ය (රියර් අදිමිරාල්) ෂෙමාල් ප්‍රනාන්දු මහතාගේ ප්‍රධානත්වයෙන් සහ ශ්‍රී ලංකා වොලිබෝල් සම්මේලනයේ සභාපති ගරු කංචන ජයරත්න මැතිතුමාගේ සහභාගීත්වයෙන් පැවැත්වීමට නියමිතව ඇත.මෙම අවසන් මහා තරග සඳහා සුදුසුකම් ලැබූ කන්ඩායම් සහ තරග පැවැත්වෙන වේලාවන් පහත දක්වා ඇත. කාන්තා අවසන් තරගයහයිඩ්‍රාමනි ක්‍රීඩා සමාජය – ගලිගමුව සමඟ MAS (A) ක්‍රීඩා සමාජය – අම්පාර | වේලාව 13:00 පිරිමි අවසන් තරගය – රාජසිංහ ක්‍රීඩා සමාජය – රුවන්වැල්ල සමඟ ගෝල්ඩන් බර්ඩ්ස් ක්‍රීඩා සමාජය – රඳාවාන | වේලාව 15:00