News

මධ්‍යම ආසියානු බීච් වොලිබෝල් තරඟාවලියේ ජයග්‍රහන ලබා ගත් ක්‍රීඩක ක්‍රීඩිකාවන් සහ නිලධාරීන් ඇගයීමේ උළෙල මධ්‍යම ආසියානු වොලිබෝල් සම්මේලනයේ ආරාධනයකට අනුව ශ්‍රී ලංකා වොලිබෝල් සම්මේලන‍ෙ සංවිධානය කරනු ලැබූ Central Asian Beach Volleyball Championship 2024  බීච් වොලිබෝල් තරගාවලිය 2025 ජනවාරි මස 23 සිට 26 දින දක්වා  මීගමුව වෙරළ උද්‍යාන බීච් වොලිබෝල්  ක්‍රීඩාංගණය කේන්ද්‍ර කර ගනිමින්  ඉතා සාර්ථකව පවත්වා අවසන් කරන ලදි. එම තරගාවලියේ දී පිරිමි කණ්ඩායම අනු ශූරයින් බවට පත්වූ බවත් කාන්තා කණ්ඩායම් 02 ක් අනු ශූරයින් සහ 03 වන ස්ථාන ලබා ගන්නා ලදි. එහිදී එම ජයග්‍රහන ලබා ගත් ක්‍රීඩක ක්‍රීඩිකාවන්, පුහුණුකරුවන් සහ නිලධාරීන් ඇගයීමේ උළෙලක් 2025 මාර්තු මස 04 දින කොළඹ ජයික් හිල්ටන් හෝටල් පරිශ්‍රයේ දී ශ්‍රී ලංකා වොලිබෝල් සම්මේලනයේ සභාපති කංචන ජයරත්න මැතිතුමාගේ ප්‍රධානත්වයෙන් පවත්වන ලදි. මෙහිදී පිරිමි අනු ශූරයින් බවට පත්වූ දිලීප චාමික සහ මලිත් දිල්ෂාන් යන ක්‍රීඩකයින් ,  කාන්තා අනු ශූරයින් බවට පත්වූ දීපිකා බණ්ඩාර සහ කසුනි තාරුකා යන ක්‍රීඩිකාවන් ,  කාන්තා 03 වන ස්ථානය ලබා ගත් චතුරිකා මධුෂානි සහ ෂෙහානි අසංගා යන ක්‍රීඩක ක්‍රීඩිකාවන් සහ පිරිමි කණ්ඩායමේ පුහුණුකරු ඉන්දික ටිරෝන් ජයතිලක , කාන්තා කණ්ඩායමේ පුහුණුකරු තක්ෂිලා ගුණසිංහ, එම කණ්ඩායම් හී සම්භාහක ලෙස කටයුතු කල එච්. සී. පී සමීර මෙන්ම මෙම කණ්ඩායම් හී වෛද්‍යවරයා ලෙස කටයුතු කල වෛද්‍ය රුක්මාල් කරුණානායක සහ කණ්ඩායම් හී කළමණාකරුවන් වන ධනපාල ජයපත්ම සහ සජිත් නන්දසිරි මහතා යන අය ඇගයීමට ලක් කරන ලදි. එහිදී අනු ශූරතාවය ලබාගත් ක්‍රීඩක ක්‍රීඩිකාවන් සඳහා එක් අයෙකුට රු. 100,000/- මුදලක් ද, 03 වන ස්ථානය ලබාගත් ක්‍රීඩිකාවන්ට එක් අයෙකුට රු. 50,000/- මුදලක් ද, පුහුණුකරුවන් සඳහා එක් අයෙකුට රු. 60,000/- මුදලක් ද, භෞතචිකිත්සක සඳහා රු. 40,000/- මුදලක් ද ලබාදෙන ලදි. මෙම ඇගයීම් උලෙල සඳහා ශ්‍රී ලංකා වොලිබෝල් සම්මේලනයේ ප්‍රධාන ලේකම් ඒ. එස් නාලක මහතා,  ශ්‍රී ලංකා වොලිබෝල් සම්මේලනයේ භාණ්ඩාගාරික  තුෂාර පෙරේරා මහතා, ශ්‍රී ලංකා වොලිබෝල් සම්මේලනයේ උප සභාපති ජ්‍යෙෂ්ඨ නියෝජ්‍ය පොලිස්පති සජීව මැදවත්ත මහතා, ශ්‍රී ලංකා වොලිබෝල් සම්මේලනයේ උප සභාපති කොමදෝරු සිල්වා මහතා, ජාතික ක්‍රීඩා කවුන්සිලියේ සමාජික සී රත්නමුදලි මහතා, ක්‍රීඩා සංවර්ධන දෙපාර්තමේන්තුවේ නියෝජ්‍ය අධ්‍යක්ෂ සිසිර වැල්ලේගෙදර මහතා, ක්‍රීඩා සංවර්ධන දෙපාර්තමේන්තුවේ වොලිබෝල් සම්බන්ධීකරණ නිලධාරිනි රංගිකා මහවත්ත මහත්මිය ඇතුළු ශ්‍රී ලංකා වොලිබෝල් සම්මේලනයේ විධායක කමිටු සාමාජිකයින් මේ සඳහා සහභාගී විය.

Central Asian Beach Volleyball Tournament 2024 මධ්‍යම ආසියානු වෙරළ වොලිබෝල් තරගාවලිය 2025, ශ්‍රී ලංකාවේ මීගමුව වෙරළ උද්‍යානයේදී ජනවාරි 24 සිට 26 දක්වා පැවැත්වීමට නියමිතය. මෙම තරගාවලිය සඳහා මාලදිවයින, කිරිගිස්තානය, භූතානය, කසකස්තානය, ඉරානය සහ සත්කාරක ශ්‍රී ලංකාව ඇතුළු රටවල් හයක් සහභාගී වේ. තරග කාලසටහන සහ ස්ථානය තරගාවලිය ජනවාරි 24 වන සිකුරාදා ආරම්භ වන අතර, සෙනසුරාදා (25) සහ ඉරිදා (26) දිනවලදීද තරග පැවැත්වේ. සියලුම තරග මීගමුව වෙරළ උද්‍යානයේ ක්‍රීඩා පිටියේදී පැවැත්වේ. ශ්‍රී ලංකා කණ්ඩායම් සහ පුහුණුකරුවන් සත්කාරක ශ්‍රී ලංකාව මෙම තරගාවලිය සඳහා පිරිමි සහ කාන්තා කණ්ඩායම් හයක් බැගින් සූදානම් කර ඇත. පිරිමි කණ්ඩායම් සඳහා දිලිප චාමික සහ මලිත් සිල්වා, සඳුන් මධුසංක සහ අංජන සන්දිපන, නලීන් පෙරේරා සහ මධුෂ වික්‍රමසිංහ යන ක්‍රීඩකයන් සහභාගී වේ. කාන්තා කණ්ඩායම් සඳහා කසුනි තරුකා සහ දීපිකා බණ්ඩාර, චතුරිකා මධුෂානි සහ ශෙහානි අසංගා, වාසනා මධුමාලි සහ කසුනි කෙෂලා යන ක්‍රීඩිකාවන් සහභාගී වේ. පිරිමි කණ්ඩායම් පුහුණුකරු ලෙස ටයිරෝන් ජයතිලක සහ කාන්තා කණ්ඩායම් ප්‍රධාන පුහුණුකරු ලෙස ටැක්සිලා නිරාංජලි කටයුතු කරයි. සහභාගී රටවල් සහ කණ්ඩායම් මෙම තරගාවලිය සඳහා මාලදිවයින, කිරිගිස්තානය, භූතානය, කසකස්තානය, ඉරානය සහ ශ්‍රී ලංකාව ඇතුළු රටවල් හයක් සහභාගී වේ. ඉහත රටවල් සියලුම පිරිමි සහ කාන්තා කණ්ඩායම් යවා තරගාවලියට සහභාගී වනු ඇත. ඉතිහාසය සහ වැදගත්කම මෙම තරගාවලිය ශ්‍රී ලංකාවේ වෙරළ වොලිබෝල් ක්‍රීඩාවේ ඉතිහාසයේ වැදගත් අවස්ථාවක් වන අතර, ජාත්‍යන්තර මට්ටමේ තරගාවලි සංවිධානය කිරීමෙන් ශ්‍රී ලංකා වොලිබෝල් ක්‍රීඩාවේ ප්‍රගතියට දායක වේ. මෙම අවස්ථාව ශ්‍රී ලංකා ක්‍රීඩක ක්‍රීඩිකාවන්ට ජාත්‍යන්තර අත්දැකීම් ලබා ගැනීමටත්, විදේශීය කණ්ඩායම් සමඟ තරග වැදීමටත් අවස්ථාව සලසයි. ප්‍රේක්ෂක සහයෝගය සියලුම ක්‍රීඩා ප්‍රේක්ෂකයන්ට මීගමුව වෙරළ උද්‍යානයට පැමිණ ශ්‍රී ලංකා කණ්ඩායම් සඳහා සහයෝගය ලබාදෙන ලෙස ආරාධනා කරමු.  

“SUNQUICK” ජාතික බීච් වොලිබෝල් ශුරතාවය -2024/2025 (අයදුම්පත්‍රය – කාන්තා / පිරිමි) ශ්‍රී ලංකා වොලිබෝල් සම්මේලනය අධීක්ෂණය යටතේ “SUNQUICK” පුර්ණ අනුග්‍රාහකත්වයෙන් පවත්වනු ලබන මෙම තරඟාවලිය පහත සඳහන් අයුරින් පැවැත්විමට නියමිතව ඇත.ඒ අනුව 01. අවු. 18 න් පහළ (පිරිමි / කාන්තා)02. අවු. 21 න් පහළ (පිරිමි / කාන්තා)02. අවු. 25 න් පහළ (පිරිමි / කාන්තා)03. විවෘත (පිරිමි / කාන්තා) වශයෙන් අදියරයන් අනුව තරග පැවැත්වේ. මෙම තරගාවලිය 2025 ජනවාරි මස 31 සහ පෙබරවාරි 01 සහ 02 යන දින වලදී මීගමුව වෙරළ උද්‍යානයේ දී පැවැත්වීමට කටයුතු සංවිධානය කර ඇත.නිවැරදිව සම්පුර්ණ කළ සියළුම අයදුම්පත් 2025 ජනවාරි මස 25 දිනට ප්‍රථම පහත ලිපිනයට යොමු කළ යුතු වේ. මෙම තරගාවලිය සඳහා ශ්‍රී ලංකාවේ ඕනෑම ක්‍රීඩා සමාජයක, රාජ්‍ය හෝ පෞද්ගලික ආයතන / සංස්ථා / ත්‍රිවිධ හමුදා / පොලිසිය සහ පාසල් යන කණ්ඩායම් මගින් “SUNQUICK ” ජාතික බීච් වොලිබෝල් ශුරතාවය සඳහා අයදුම්පත් ඉදිරිපත් කල හැක. 01. අවු. 18 න් පහළ තරගාවලියට සහභාගී වන සැම ක්‍රීඩක/ක්‍රීඩිකාවක්ම 2024 වර්ෂයේ දෙසැම්බර් මස 31 දිනට වයස අවුරුදු 18 ට අඩුවිය යුතුය. ( ක්‍රීඩක /ක්‍රීඩිකාවන් 2007 .01.01. දින හෝ ඊට පසු උපන් අය විය යුතුය)   02. අවු. 21 න් පහළ තරගාවලියට සහභාගී වන සැම ක්‍රීඩක/ක්‍රීඩිකාවක්ම 2024 වර්ෂයේ දෙසැම්බර් මස 31 දිනට වයස අවුරුදු 21 ට අඩුවිය යුතුය. ( ක්‍රීඩක /ක්‍රීඩිකාවන් 2004 .01.01. දින හෝ ඊට පසු උපන් අය විය යුතුය)   03. අවු. 25 න් පහළ තරගාවලියට සහභාගී වන සැම ක්‍රීඩක/ක්‍රීඩිකාවක්ම 2024 වර්ෂයේ දෙසැම්බර් මස 31 දිනට වයස අවුරුදු 25 ට අඩුවිය යුතුය. ( ක්‍රීඩක /ක්‍රීඩිකාවන් 2000 .01.01. දින හෝ ඊට පසු උපන් අය විය යුතුය)   තරඟාවලි 04 සඳහා පොදු කොන්දේසි   • එක් කණ්ඩායමක් සඳහා ක්‍රීඩක / ක්‍රීඩිකාවන් දෙදෙනෙකු (02) පමණක් ඇතුලත් විය යුතුය. • ඉහත තරඟාවලි සඳහා සහභාගි වන සෑම ක්‍රිඩක ක්‍රිඩිකාවක්ම ශ්‍රි ලාංකා පුරවැසියෙකු විය යුතුය. • මෙම තරඟාවලියේ අවු. 18 න් පහළ (පිරිමි / කාන්තා), අවු. 21 න් පහළ (පිරිමි / කාන්තා) සහ අවු. 25 න් පහළ (පිරිමි / කාන්තා) කාණ්ඩ සඳහා සහභාගිවන සෑම ක්‍රිඩකයෙක් /ක්‍රිඩිකාවක්ම තමන්ගේ අන්‍යතාවය ඔප්පු කිරිම සඳහා ජාතික හැදුනුම්පත / විදේශ ගමන්බලපත්‍රය හෝ රියදුරු බලපත්‍රය සමඟ උප්පැන්න සහතිකයේ මුල් පිටපත ඉදිරිපත් කිරීම අනිවාර්ය වේ. • තරග මාලාවට සහභාගී වන කණ්ඩායම් තරගාවලිය ආරම්භ කිරීමට විනාඩි 45 කට පෙර සංවිධාන කමිටුව වෙත වාර්තා කල යුතු අතර ප්‍රමාද වී පැමිණෙන කණ්ඩායම් තරගාවලියෙන් ඉවත් කිරීමට සිදුවන හෙයින් ඒ පිළිබඳ සංවිධාන කමිටුව වගකියනු නොලැබේ. • තරගාවලිය සඳහා සහභාගී වනු ලබන ක්‍රීඩක ක්‍රීඩිකාවන්, පුහුණුකරුවන් තරග පවත්වන කාලය තුල විනයානුකූලව හැසිරිය යුතු අතර තරගාවලියට බාධාවන් වන අයුරින් හැසිරීම පිළිබඳ විනයානුකූලව කටයුතු කරනු ඇත. • තරඟාවලිය සම්බන්ධයෙන් යම් විරෝධතාවයක් ඉදිරිපත් කරන්නේ නම්, තරඟයට පෙර හෝ අදාල තරඟය අවසන් වී විනාඩි 30 ක් ඇතුළත රු.2000 /- ගාස්තුවක් ශ්‍රි ලංකා වොලිබෝල් සම්මේලනයට හෝ සම්මේලනය මගින් නම් කර ඇති සංවිධායක මණ්ඩලයේ නිලධාරියාට ගෙවා රිසිට් පත සමඟ අදාල අභියාචනය ඉදිරිපත් කල යුතුයි. (ඉහත කරුණු වලට පටහැනි විරෝධතා නොසළකා හැරේ) • සියළුම තරඟ ජාත්‍යන්නතර වොලිබෝල් සම්මේලනයේ හා ශ්‍රි ලංකා වොලිබෝල් සම්මේලනයේ බීච් වොලිබෝල් තරඟ නිතීරිතී යටතේ පවත්වනු ලබන අතර තරඟ මාලාව පිළිබඳ හා අනෙකුත් සියළුම තිරණ ගනු ලබන්නේ ශ්‍රී ලංකා වොලිබෝල් සම්මේලනයේ තරඟ කමිටුව මගිනි. එමෙන්ම තරඟයන් පැවැත්වෙන කාලය තුළ දි තරඟ සම්බන්ධයෙන් විනිශ්චය මණ්ඩලය ලබා දෙන තීරණය අවසාන තීරණය වේ. විමසීම් – කොමදෝරු ටී.ඩී.එස් ද සිල්වා – 0718252130 ධනපාල ජයපත්ම මහතා – ජාතික සංවිධායක – 0710953456 ශ්‍රී ලංකා වොලිබෝල් සම්මේලනය – 0112669344 SUNQUICK” ජාතික බීච් වොලිබෝල් ශුරතාවය -2024/2025  අයදුම්පත්‍රය  Download Application